عايز البيزنس بتاعك يبقى فى ايد كل User يبقى مفيش أفضل من إنك تعمل تواجد ليك على الموبايلات سواء الأندرويد أو الآيفون أو البلاك بيرى (اللى دلوقتى بقت مع كل الناس)
وده ليه طريقتين :
تعمل Website متوافق مع الموبايلات وبيظهر عليها بشكل مناسب .
تعمل Mobile App بيتحمل من الـ Market Applications المختلفة.
طب هو ايه الفرق بينهم وأنهى الأفضل ؟
ركز معايا فى اللى جاى
ويب الموبايل عشان توصله لازم تبقى متصل بالنت (واى فاى أو3G أو 4G) زيه زى الويب سايت بتاع الـ Desktop لكن يتميز عنه بإنه معروض بشكل أصغر وتقدر تتنقل بين صفحاته بالشاشة الـ Touch فبيبقى أسهل للـ User ..
أما الأبلكيشن فانت بتقوم بتحميله مباشرة من على نظام التشغيل بتاعك سواء (الأندرويد أو الآيفون أو غيره من أنظمة التشغيل فى الموبايلات) من غير الدخول لمتصفح زى الويب سايت فالنت محتاجه عشان تنزله بس وبعد كدة هو موجود فى موبايلك سواء متصل أو غير متصل بالنت ..
ويب الموبايل تقدر تفتحه من على أى جهاز من خلال ال Browser بتاعه مباشرةً وبالتالى هيوصل لمستخدمين بشكل أكتر لكن الأبلكيشن بيحتاج يتعمله اصدار مخصص لكل نظام تشغيل عشان يكون متوافق معاه وتقدر تشغله عليه.
تقدر تحدث ويب الموبايل بسهولة وباستمرار(سواء تحديث ديزاين أو Content) أما الأبلكيشن فهو بيتطلب من ال Users تعمل update ليه على موبلايتهم عشان يشوفوا الجديد بتاعك فبتبقى المسألة صعبة حبتين.
كمان ويب الموبايلات تقدر تبحث عنه وتلاقيه بسهولة على محركات البحث فيبقى فرص ظهوره للمستخدمين أعلى بعكس التطبيقات اللى لازم تحملها من ال Application Market ومش بتظهر على محركات البحث.
من ضمن الحاجات اللى بيتميز بيها الأبلكيشن عن ويب الموبايل انك تقدر تعمل عليها notifications بتحديثاتك للعملا بتوعك بعكس الويب سايت اللى لو دخلت عليه الناس هتشوف تحديثاتك ولو مدخلتش مش هتعرف الجديد بتاعك !!
طب أنهى الأفضل وهينفعنى أكتر كرجل أعمال عندى بيزنس وعايز أحقق مبيعات ؟
ده هيختلف بقدر الهدف اللى انت محدده للبيزنس بتاعك وبرده عملائك المستهدفين وسلوكهم فى استخدام الموبايلات والميزانية أو ال Budget اللى انت حاططها عشان تنفذ بيها خطتك دى بمعنى ممكن تكون لسة بتبدأ فى السوق فهيبقى الأفضل لك إنك تعمل ويب سايت متوافق مع الموبايل عشان تبدأ تنتشر بشكل كبير والناس تلاقيك بكل سهولة ..
أما لو كنت بالفعل أنت موجود فى سوق العمل بقالك فترة وقدرت تعمل البراند بتاعك يبقى ساعتها الأنسب ليك أنك تعمل أبلكيشن للموبايلات كخدمة متطورة بتقدمها لجمهورك أو عملائك اللى اتعاملوا معاك بالفعل ..
الخلاصة انت اللى هتقدر تحدد ايه اللى هينفعك وهينفع مجال عملك أكتر
خد قرارك واحنا فى GizaHost نقدر نساعدك ونعملك الأوبشن ده أو ده بأسعار خاصة سيبلنا رقمك وهنتصل بيك
